КРАВЕЦ КОЛАСАЎСКАГА ТЭАТРА НІНА КАНСТАНЦІНАЎНА ПАЛІТЫКА АДЗНАЧАЕ ЮБІЛЕЙ

15 снежня 2023 года святкуе юбілей –
70-годдзе з дня нараджэння –
кравец тэатра Ніна Канстанцінаўна Палітыка.

Ніна Канстанцінаўна Палітыка працуе ў тэатры імя Якуба Коласа з 6 верасня 2004 года. За гэты перыяд зарэкамендавала сябе старанным, дысцыплінаваным работнікам, чулым, уважлівым чалавекам, што карыстаецца аўтарытэтам сярод калег.

Нацыянальны акадэмічны драматычны тэатр імя Якуба Коласа ад усяе душы віншуе шаноўную Ніну Канстанцінаўну з юбілеем і зычыць ёй моцнага здароўя, заўсёды пазітыўнага настрою! Каб у доме заўсёды было светла, утульна! Поспехаў ва ўсіх распачынаннях, шмат радасці, смеху і дабрыні! Хай мары спраўдзяцца, а блізкія людзі і калегі будуць зычлівымі!

Хай будуць у асалоду гэтыя вершаваныя радкі!

Няхай ярчэй засвеціць сонца ўранні,
Сагрэе промнямі надзей!
Ад сэрца нашы пажаданні
Мы дасылаем вам у гэты дзень.
Хай марам Бог пайшле здзяйсненне,
А час для вас прыпыніць ход!
Увесь наш калектыў вам зычыць
Здароўя, міру  і шчаслівых доўгіх год.
Хай юбілей нясе вам шчасце,
Ні кроплі смутку, ні адной слязы!
Душэўнага багацця і здароўя
Жадаем ад усёй душы.
І на рабоце, і ў жыцці ніколі
Не будзе хай над Вамі хмар.
Жадаем радаснай, шчаслівай долі
Здзяйснення ўсіх задум і мар.