КРАВЕЦ ЖАНОЧАГА АДЗЕННЯ ТЭАТРА МАРЫНА МІХАЙЛАЎНА МАЛЫШАВА СВЯТКУЕ ЮБІЛЕЙ

8 лютага 2024 года святкуе юбілей – 60-годдзе –
кравец жаночага адзення тэатра Марына Міхайлаўна Малышава!

Марына Міхайлаўна шмат год служыць у пашывачным цэху жаночага адзення тэатра. Ад яе ўмелых рук залежыць прыгажосць сцэнічных строяў нашых цудоўных актрыс і артыстаў .

Нацыянальны акадэмічны драматычны тэатр імя Якуба Коласа шчыра віншуе Марыну Міхайлаўну з юбілеем і зычыць на доўгія гады моцнага здароўя, поспехаў, выдатнага настрою, любові родных, павагі блізкіх і калег, жыццёвага аптымізму, сямейнага і матэрыяльнага дабрабыту!

Хай радасць прынясуць вершаваныя радкі!

У дзень юбілею, у гэтае свята
Жадаем здароўя і шчасця багата,
Хваробы ніякай не ведаць ніколі,
Пражыць аж да сотні, а можа, і болей.
Зычым удачы, святла і цяпла,
Каб беды, нягоды згарэлі датла,
Каб жыць і любіць да ста год давялося!
Няхай збудзецца ўсё, што яшчэ не збылося!