ПРАДСТАЎНІКІ ТЭАТРА ІМЯ ЯКУБА КОЛАСА НА ІNTERNATIONAL MUSIC FORUM «COLUSIUM»

10.04.2025

4 і 5 красавіка ў Мінску праводзіўся Іnternational Music Forum «Colusium» - форум канцэртнай і музычнай індустрыі, які напрацягу 17 год праходзіць у гарадах Расіі, Беларусі, Узбекістана, Кыргыстана, Башкартастана і іншых краін. Гэта своеасаблівае месца камунікавання і абмену досведам разнастайных удзельнікаў культурнага рынку.

Сёлета ў межах форуму адбылася прэм'ера накірунку «Theatеr», у якім прымалі ўдзел прадстаўнікі Нацыянальнага драматычнага драматычнага тэатра імя Якуба Коласа. Мастацкі кіраўнік Канстанцін Ганчароў і вядучы рэдактар Аляксандр Замкоўскі выступілі спікерамі на тэму «Захаванне тэатральных традыцый і прывабліванне новай аўдыторыі ў тэатр».