РЭСПУБЛІКАНСКІ КОНКУРС П’ЕС, ПРЫСВЕЧАНЫ 80-годдзю ПЕРАМОГІ САВЕЦКАГА НАРОДА Ў ВЯЛІКАЙ АЙЧЫННАЙ ВАЙНЕ

З 15 красавіка па 1 верасня 2024 года Міністэрства культуры Рэспублікі Беларусь, Саюз пісьменнікаў Беларусі і Заслужаны калектыў Рэспублікі Беларусь «Рэспубліканскі тэатр беларускай драматургіі» праводзяць рэспубліканскі конкурс п’ес для тэатраў, прысвечаны 80-годдзю Перамогі савецкага народа ў Вялікай Айчыннай вайне.

Конкурс праводзіцца ў мэтах захавання гістарычнай памяці аб Перамозе савецкага народа ў Вялікай Айчыннай вайне, папулярызацыі гістарычных ведаў і супрацьдзеяння спробам скажэння гісторыі Вялікай Айчыннай вайны, узбагачэння рэпертуару тэатраў рэспубліканскага і мясцовага падпарадкавання спектаклямі ваенна-патрыятычнай тэматыкі па п’есах сучасных аўтараў.

У конкурсе могуць прымаць удзел грамадзяне Рэспублікі Беларусь, якія прафесійна займаюцца літаратурнай і тэатральнай творчасцю і творчай працай якіх створана п’еса.

Для ўдзелу ў конкурсе з 15 красавіка па 1 верасня 2024 г. удзельнікам трэба падаць на электронны адрас: info@rtbd.by наступныя матэрыялы:
– заяўку на ўдзел у конкурсе па форме згодна з дадаткам
– тэкст п’есы
– інфармацыю аб аўтарах (аўтарскіх калектывах) з указаннем біяграфічных звестак і творчых дасягненняў.

Аўтары, або аўтарскія калектывы, якія стануць пераможцамі конкурсу атрымліваюць грашовую прэмію ў памеры 60 базавых велічынь. А п’есы будуць перададзеныя ў тэатральна-відовішчныя ўстановы рэспубліканскага і мясцовага падпарадкавання для пастаноўкі спектакляў у 2024 – 2025 годзе.

Больш падрабязная інфармацыя пра конкурс на сайце Міністэрства культуры Рэспублікі Беларусь.