НЕЗАГОЙНАЯ РАНА

12+

Васіль Быкаў, Янка Брыль, Уладзімір Караткевіч.

Споведзь
паводле твораў «Незагойная рана», «Memento mori», «Балада пра смяротнікаў».

Камерная сцэна.

Прэм’ера - 21 сакавіка 2017 года.

Прысвячаецца падзеям Вялікай Айчыннай вайны, пакутам, якія давялося вынесці беларускаму народу ў часы чорнай навалы.

Монаспектакль складаецца з трох навел.

Першая – «Незагойная рана» паводле апавядання народнага пісьменніка Беларусі Васіля Быкава. Страшная трагедыя беларускага народа падаецца праз прызму ўспрыняцця простай вясковай кабеты Тэклі, якая згубіла свайго сына-салдата.

Другая – «Memento mori» паводле аднайменнага апавядання Янкі Брыля, які адным з першых у беларускай літаратуры ўзняў тэму «вогненных» вёсак. Іх гора яшчэ раз нагадвае пра жудасную трагедыю Хатыні.

Трэцяя  – «Балада пра смяротнікаў» Уладзіміра Караткевіча. Гэта споведзь і разам з тым абвінавачванне вязняў лагера смерці.

Ідэя, інсцэніроўка, пастаноўка і музычнае афармленне Зінаіды ГУРБО.
Мастак-пастаноўшчык Андрэй ЖЫГУР.

У галоўнай ролі - Зінаіда ГУРБО.

Працягласць спектакля - 1 гадзіна 20 хвілін без антракту.

Фота спектакля - У ГАЛЕРЭІ.

Фестывалі

- VII Міжнародны тэатральны фестываль «Театральное вече», прысвечаны 75-годдзю вызвалення Вялікага Ноўгарада ад нямецка-фашысцкіх захопнікаў (Вялікі Ноўгарад, Расія, 2018)

Публікацыі

1. «Помните нас: трепетная и пронзительная элегия о павших и несломленных» С.Казлова (пра монаспектакль «Незагойная рана» на фестывалі «Театральное вече» ў расійскім Вялікім Ноўгарадзе). - Сеткавае выданне «В Новгороде.ру», 17.12.2018.